Hiermanija abvinavačvaje Rasieju ŭ špijanažy
Na fonie kanfliktu va Ukrainie rasijskija śpiecsłužby aktyvizavali svaju dziejnaść u Hiermanii.
Heta vynikaje z zajavy kiraŭnika Fiederalnaha viedamstva pa achovie kanstytucyi Chansa-Hieorha Masiena, zroblenaha ŭ sieradu, 11 červienia.
Jak zajaviŭ Masien, u ciapierašni čas jaho arhanizacyja «naziraje sproby rasijskich śpiecsłužbaŭ zdabyć dadzienyja ab patencyjnych palityčnych, ekanamičnych i vajennych nastupstvach, jakija ciahnie za saboj ukrainski kryzis», cytuje jaho słovy ahienctva dpa.
Asablivuju cikavaść, na dumku ekśpierta, u rasijskich śpiecsłužbaŭ vyklikaje toje, jak Hiermanija, Jeŭrasajuz i NATA aceńvajuć palityku Maskvy ŭ adnosinach da Ukrainy, mahčymaść mier u adkaz, a taksama hiermanskaja i jeŭrapiejskaja enierhietyčnaja palityka.
Naroŭni ź dziejnaściu pa atrymańni infarmacyi, paviedamlaje ahienctva AFP, rasiejskija śpiecsłužby sprabujuć akazać upłyŭ na farmiravańnie hramadskaj dumki ŭ Hiermanii pry dapamozie prapahandy, skazaŭ Masien.