«Łuhanskaja narodnaja respublika» źviarnułasia da Biełarusi, Rasii, Čačni z prośbaj pryznać jaje niezaležnaść
Urad Łuhanskaj respubliki
Samaabvieščanaja Łuhanskaja narodnaja respublika źviarnułasia da 15 dziaržavaŭ i samaabvieščanych krainaŭ, a taksama subjektaŭ Rasii z prośbaj pryznać jaje ŭ jakaści niezaležnaj dziaržavy, paviedamiŭ ria.ru pradstaŭnik pres-słužby ŁNR.
«Zvaroty nakiravany takim krainam, jak Rasija, Abchazija, Biełaruś, Paŭdniovaja Asiecija, Inhušecija, Čačnia, Kazachstan, Prydniastroŭskaja Małdaŭskaja respublika, Armienija, Siryja, Sierbija, Vieniesueła, Kitaj, Kuba, Nikarahua», - skazaŭ surazmoŭca ahienctva.
U ŁNR spasyłajucca na vyniki «refierendumu» 11 maja, padčas jakoha, pa ich słovach, 90% žycharoŭ rehijonu vykazalisia za niezaležnaść. Pavodle ž ukrainskich uładaŭ, jaŭka na refierendumie ŭ Łuhanskaj vobłaści skłała 24%.