Navukoŭcy dakazali, što spałochacca možna sapraŭdy da śmierci
Navukoŭcy dakazali, što stres sapraŭdy moža stać pryčynaj sardečnaha prystupu, ad jakoha čałaviek moža pamierci.
Vyniki śpiecyjalnaha daśledavańnia byli apublikavanyja ŭ časopisie amierykanskaha hramadstva mikrabijałohii mBio, paviedamlaje The Daily Mail.
Padčas raptoŭnaha emacyjnaha šoku ci stresu ŭ ciele vydzialajucca asablivyja harmony, jakija prymušajuć śpiecyfičnyja bakteryi pranikać u kryvianyja sasudy. U takim vypadku arteryi i vieny mohuć być zabłakavanyja, što stanovicca pryčynaj sardečnaha prystupu.
«Sardečny prystup i insult časta adbyvajucca z-za pavyšanaha ŭzroŭniu harmonu katechałaminu ŭ kryvi i tkanach, naprykład, padčas raptoŭnaha emacyjnaha šoku, stresu ci pieranapružańnia», - adznačyŭ suaŭtar daśledavańni Devid Devis ź ńju-jorkskaha univiersiteta Binhiemtan.
U chodzie daśledavańnia navukoŭcy vyjavili niekalki vidaŭ śpiecyfičnych bakteryj, jakija mohuć vyklikać takuju situacyju. Tonki płast dadzienych mikraarhanizmaŭ raźmieščany na mnohich sasudach čałaviečaha cieła.