Łukašenka pa-biełarusku pavinšavaŭ udzielnikaŭ fiestyvala Nacyjanalnaj pieśni ŭ Maładziečnie
Alaksandr Łukašenka nakiravaŭ vinšavańnie ŭdzielnikam i haściam ChIV Nacyjanalnaha fiestyvalu biełaruskaj pieśni i paezii, što projdzie 13-14 červienia ŭ Maładziečnie.
Sardečna vinšuju vas z adkryćciom XIV Nacyjanalnaha fiestyvalu biełaruskaj pieśni i paezii.
Hety pradstaŭničy kulturny forum z honaram vykonvaje pačesnuju misiju raźvićcia i papularyzacyi ajčynnaj litaratury i muzyčnaha mastactva. Na sceničnych placoŭkach Maładziečna vystupajuć samyja znakamityja artysty, abjadnanyja luboŭju da rodnaha słova i pieśni. Adnoj ź jaho niezabyŭnych staronak źjaŭlajecca konkurs maładych vykanaŭcaŭ,iaki adkryŭ mnohim majstram biełaruskaj estrady šlach na vialikuju scenu.
Sioletni fiestyval praciahvaje svaje dobryja tradycyi i pašyraje haryzonty, kab nahadać nam lepšyja staronki muzyčnaj spadčyny i adkryć novyja imiony sučasnych kampazitaraŭ, paetaŭ i śpievakoŭ. Jaho raznastajnaja prahrama, pryśviečanaja 70-hodździu vyzvaleńnia Biełarusi ad niamiecka-fašysckich zachopnikaŭ i 45-hodździu lehiendarnaha ansambla «Pieśniary», stanie jašče adnym važkim układam u patryjatyčnaje vychavańnie hramadzian i ŭmacavańnie duchoŭnaha adzinstva naroda.
Žadaju ŭsim mocnaha zdaroŭja, nievyčerpnaha natchnieńnia, novych tvorčych ździajśnieńniaŭ, ščaścia i dabrabytu, a ŭdzielnikam konkursu – paśpiachovych vystupleńniaŭ, — havorycca ŭ vinšavańni.
Zaznačym, što na minułym tydni pa-biełarusku było adpraŭlena vinšavańnie z 80-hodździem Sajuza piśmieńnikaŭ Biełarusi.