Ukrainu pazbavili Jeŭrabaskieta-2015
U FIBA-Jeŭropa pryniali rašeńnie, što Ukraina nie budzie pravodzić mužčynski čempijanat Jeŭropy 2015 z-za składanaj situacyi ŭ krainie, paviedamlaje Sportando.com sa spasyłkaj na łatvijskuju fiederacyju. Jeŭrabaskiet taksama źmienić farmat: paśla pieršaha hrupavoha etapu pačniecca płej-of, u jakim prymuć udzieł 16 kamandaŭ.
FIBA-Jeŭropa u bližejšy čas abvieścić pra start novaha konkursu za prava praviadzieńnia turniru. Zajaŭki buduć prymacca da 31 lipienia.
Ukraina budzie mieć pryjarytetnaje prava na praviadzieńnie Jeŭrabaskieta-2017.
Zacikaŭlenaść u praviadzieńni Jeŭrabaskieta-2015 raniej prajavili 16 krain. Nie vyklučana, što FIBA-Jeŭropa addaść turnir adrazu dźvium krainam.
Novaje miesca praviadzieńnia jeŭrapiejskaha pieršynstva pavinna być abvieščana ŭ kancy žniŭnia, kali zavieršycca kvalifikacyjny raŭnd turniru.