Dva niezaličanyja hały, ale Mieksika ŭsio adno pieramahła Kamierun VIDEA
Džavani Dos Santas: sudździa nie zaličyŭ dva jahonych hały.
Paśla dvuch matčaŭ Mundyjalu asnoŭnaj zastajecca sudziejskaja tema. Spačatku abmiarkoŭvali, ci pravilna byŭ pryznačany pienalci ŭ varoty zbornaj Charvatyi, nastupny dzień prynios dva niezaličanych hały mieksikancaŭ.
Kałumbijec Vilmar Roldan naŭrad ci atrymaje dobruju adznaku za sudziejstva matča Mieksika – Kamierun. Spačatku na 11-aj chvilinie paśla admaški łajnsmana byŭ admienieny hoł Dos Santasa. Jašče praz čverć hadziny nie zaličyli jašče adzin hoł Dos Santasa. Paŭtory śviedčać, što abodva razy arbitr pamyliŭsia.
Dziela spraviadlivaści varta nahadać, što byŭ admienieny hoł Šupa-Macinha z Kamieruna, ale tam asistent Samiuel Eto'o byŭ u vidavočnym afsajdzie.
Na ščaście, pamyłki arbitra nie paŭpłyvali na vynik. Na 61-aj chvilinie ŭsio toj ža niebaraka Dos Santas zaparoŭ čarhovy momant, ale na dabivańni pieršym byŭ Arybie Pieralte – 1:0.
Naprykancy kamieruncy vałodali inicyjatyvaj, ale lik tak i zastaŭsia raniejšym. Chacia bramniku Hiljermie Ačoa i daviałosia prademanstravać majsterstva paśla ŭdara Bienžamiena Mukandža. Mieksikancy minimalna pieramahli.
Ciapier u hrupie A takaja situacyja: Brazilija, Mieksika – pa 3 punkty, Kamierun – Charvatyja – 0.
Siońnia hulajuć taksama Ispanija – Niderłandy (a 22), Čyli – Aŭstralija (a 01:00).