Dzieci-siroty, vyviezienyja bajevikami, viartajucca va Ukrainu
Zachopleny terarystami aŭtobus ź dziećmi nakiroŭvajecca dadomu.
U čaćvier ŭzbrojenyja bajeviki zachapili aŭtobus, na jakim jechali na adpačynak u Dnieprapiatroŭskuju vobłaść 25 dziaciej-sirot i vychavancaŭ dziciačych damoŭ siamiejnaha typu. Transpart raźviarnuli ŭ bok kantrolna-prapusknoha punkta «Daŭžanski» ŭ Łuhanskaj vobłaści i adpravili ŭ łahier dla biežancaŭ u Navašachcinsku (Rastoŭskaja vobłaść).
Hienkonsuł Ukrainy ŭ Rastovie-na-Donie Vital Maskalenka paviedamiŭ, što dzieci na aŭtobusie vyjechali z łahiera «Daniecki» va Ukrainu i praź niekalki hadzin pavinny dasiahnuć punkta pryznačeńnia.
Jon spadziajecca, što dzieci prybuduć u Ukrainu biez prablem u darozie, i damoŭlenaści z rasijskim bokam pa dastaŭcy dziaciej va Ukrainu parušanyja nie buduć.