U Minsku adkryłasia eratyčnaja vystava
16 červienia ŭ Minsku adčyniłasia vystava ŭ ramkach prajekta «Anatomija».
Na adkryćcio vystavy pryjšoŭ čałaviek, padobny na ekanamista Siarhieja Čałaha
«Anatomia» — mižnarodny prajekt u vobłaści vizualnych mastactvaŭ, abjektam daśledavańnia jakoha źjaŭlajucca prablemy ŭsprymańnia cieła (miežy cieła, samaidentyfikacyja, razbureńnie cialesnych stereatypaŭ, eratyčnaje ŭsprymańnie cieła) i cialesnaść.
Pieršaja vystava ŭ ramkach prajekta adbyłasia ŭ krasaviku 2013 hoda ŭ horadzie Viciebsku na dźviuch viadučych placoŭkach: Art-centry Marka Šahała i Viciebskim centry sučasnaha mastactva.
I narešcie, niahledziačy na šmatlikija arhanizacyjnyja prablemy, vystava pabačyła śviet u Minsku, dziakujučy aŭtaru i kurataru prajekta Dzinie Daniłovič.
Vystava atrymałasia davoli pravakacyjnaj i intymnaj. Pracy 18 fotamastakoŭ pradstaŭleny ŭ niekalki załach.
Što cikava, vystava prachodzić nie ŭ pryvatnaj halerei. Niahledziačy na farmat, pamiaškańnie vyłučyŭ dziaržaŭny centr sučasnych mastactvaŭ. Vialiki budynak sa šmatlikimi pokojami i biełymi załami z pryhožym azdableńniem, stvarajuć idealnuju atmaśfieru dla vyvučeńnia miežaŭ čałaviečaha cieła.
Vystavu možna naviedać da 11 lipienia.
Adras: Centr sučasnych mastactvaŭ, h. Minsk, vuł. Niakrasava, 3
Čas pracy: 11.00 – 17.30
Vychodnyja: subota, niadziela.