U zonie ATA ŭ Danbasie časovaje pieramirje: vyvoziać zabitych i paranienych
Kala 19.20 u zonie antyterarystyčnaj apieracyi ŭstupiła ŭ siłu pahadnieńnie ab spynieńni ahniu dla taho, kab možna było vyvieźci zabitych i paranienych.
Pra heta paviedamlajuć «Naviny Danbasa», spasyłajučysia na Vasila Budzika, jaki znachodzicca ŭ Horłaŭcy, u pałonie ŭ bajevikoŭ Ihara Bieźlera.
«Z 19.20 pa Kijevie 17 červienia ŭstupiła ŭ siłu pahadnieńnie ab spynieńni ahniu ŭ zonie ATA. Budzie mahčymaść arhanizavać evakuacyju paranienych i zabitych pa ŭsim froncie Łuhanskaj i Danieckaj vobłaści», - napisaŭ jon na svajoj Facebook-staroncy.
«Ja budu supravadžać kałonu z Horłaŭki ŭ Łuhansk pa zahinułych bajcach 25 Dnieprapiatroŭskaj desantnaj bryhady. Z Łuhanska kałona vyjdzie na Karłaŭku i budzie pieradadziena ŭkrainskamu boku», - dadaŭ jon.