U śviecie drakonaŭ
Jak pryručyć drakona—2
Multfilm, kamiedyja, pryhody, fentezi
Režysior: Dzin DeBłua
U rolach (ahučka): Džej Barušel, Kiejt Błanšet, Džerard Batler, Krejh Fierhiusan, Amieryka Fierera
ZŠA, 102 chv.
Prajšło piać hadoŭ, jak ludzi i drakony žyvuć u miry i spakoi, zabiaśpiečvajučy adzin adnamu viasiołaje isnavańnie.
Niechta bavicca spabornictvami ŭ palotach na drakonach, a niechta, jak syn pravadyra Ikinh razam sa svaim drakonam Biazzubikam, daśleduje novyja ziemli. Padčas adnoj z takich vandrovak jany adkryvajuć novy vostraŭ i sutykajucca z palaŭničymi, jakija žorstka niavolać drakonaŭ. Ich pravadyr, Draha Błudvist, maryć uziać pad uładu ŭsich drakonaŭ u śviecie. Ikinh upeŭnieny, što, kali pahavaryć z Draha, jon zrazumieje, što z drakonami možna i treba siabravać.
Sikvieł multfilma «Jak pryručyć drakona» (2010) zasnavany na knihach anhlijskaj dziciačaj piśmieńnicy Kresindy Koŭeł.
Animacyja druhoj častki stała našmat bolš realistyčnaj. Film zachaplaje nie tolki dynamičnym siužetam, ale i jarkaj karcinkaj, i vidoviščnymi kadrami palotu. Paboleła i drakonaŭ roznych vidaŭ i pavodzinaŭ. Siužet dastatkova raźvity i zakručany, jon budzie cikavy i dzieciam, i ich baćkam.
Režysior Dzin DeBłua (na jaho rachunku, darečy, viadomy multfilm pačatku 2000-ch «Liła i Ścič») płanuje źniać treciuju častku franšyzy.