Aryštavanyja $1,3 młrd, źviazanyja ź Janukovičam
Słužba finmanitorynhu vyjaviła 42 kampanii-nierezidenta, źviazanyja ź siamjoj eks-prezidenta Viktara Janukoviča, $ 1 młrd. 340 młn. srodkaŭ na rachunkach aryštavanyja.
Pra heta na pasiadžeńni ŭrada ŭ sieradu zajaviŭ premjer Arsień Jacaniuk, pieradaje Lihabiznesinfarm.
«Naša finansavaja raźviedka...vyjaviła 42 kampanii-nierezidenty, zarehistravanych na Kipry, u Panamie, Vialikabrytanii, Bielizie, Sejšełach, jakija naŭprost źviazanyja ź Viktaram Janukovičam i jaho bližejšym asiarodździem», - zajaviŭ Jacaniuk.
«Vyšejnazvanyja kampanii z 2010 pa 2013 hady praz rachunki, adkrytyja ŭ bankach adnoj z susiednich krain, u cełym pieraličyli sumu ŭ pamiery 16 młrd. hryŭniaŭ», —skazaŭ jon.
Pa słovach premjera, u supracoŭnictvie ź finansavymi raźviedkami ZŠA, Vialikabrytanii, Łatvii, Kipra i Panamy Ukrainy vyjaviła ŭsio vyšejpakazanyja afšornyja kampanii, ustanoŭleny ŭsie proźviščy vysokich słužbovych asob i ŭpaŭnavažanych imi ludziej na kiravańnie kampanijami i srodkami.
Dziaržaŭnaja słužba finmanitorynhu zabłakavała srodki na rachunkach 19 kampanij-nierezidentaŭ.
«Ahulnaja suma zabłakavanych srodkaŭ składaje 1 młrd. 340 młn. dalaraŭ ZŠA», - adznačyŭ jon.
Materyjały rasśledavańnia pieradadzieny ŭ Hienprakuraturu, rašeńniem suda paćvierdžany aryšt hetych srodkaŭ.