Parašenka adpraŭlaje ŭ adstaŭku ministra Dziaščycu
Prezident Ukrainy Piotr Parašenka prapanuje pryznačyć kiraŭnikom MZS Ukrainy Klimkina zamiest Dziaščycy.
Prezident Ukrainy Piotr Parašenka nakiravaŭ u Viarchoŭnuju Radu prapanovu ab pryznačeńni Paŭła Klimkina ministram zamiežnych spraŭ.
Adpaviedny prajekt pastanovy abnarodavany na sajcie parłamienta 18 červienia. Adnačasova prezident Ukrainy zarehistravaŭ prajekt pastanovy Viarchoŭnaj Rady ab vyzvaleńni Andreja Dziaščycy ad vykanańnia abaviazkaŭ ministra zamiežnych spraŭ Ukrainy.
14 červienia padčas chvalavańniaŭ la pasolstva RF u Kijevie v.a. ministra zamiežnych spraŭ Andrej Dziaščyca vykanaŭ niecenzurnuju pieśniu sa zhadkaj Pucina. Hety fakt byŭ asudžany rasijskimi ŭładami. Paźniej sam Dziaščyca patłumačyŭ heta sprobaj spynić pratestoŭcaŭ ad razhromu rasijskaj ambasady.