Łukašenka: Litaści nikomu nie budzie
president.gov.by
Alaksandr Łukašenka zaklikaje zachoŭvać isnujučyja ŭ krainie stabilnaść i biaśpieku.
Pra heta jon zajaviŭ siońnia ŭ Barysavie na sustrečy z pradstaŭnikami pracoŭnych kalektyvaŭ pradpryjemstvaŭ abaronnaha siektara.
Łukašenka padkreśliŭ, što asnoŭnym napramkam jaho dziejnaści na prezidenckaj pasadzie źjaŭlajecca harantavańnie biaśpieki dziaržavy.
«Nichto nikoli nie daruje prezidentu, i jon ničym nie apraŭdajecca, kali hetaja stabilnaść, jakaja ŭ nas jość, budzie parušanaja i my stracim u tym liku vajennuju biaśpieku», — adznačyŭ biełaruski lidar.
Łukašenka padkreśliŭ vialikuju važnaść taho faktu, što ludzi ŭ Biełarusi, naprykład, mohuć spakojna i biez strachu adpuścić dziaciej na vulicu.
«U našym śviecie heta ŭžo najvialikšaje dasiahnieńnie. Heta samaje hałoŭnaje, i nam heta nielha stracić», — skazaŭ kiraŭnik dziaržavy.
«Litaści nikomu nie budzie, ni žulikam, ni złodziejam, ni tym, chto pieraškadžaje nam žyć.
Tamu davajcie razam zachoŭvać hetuju stabilnaść. Što ad mianie zaležyć, ja nie prosta imknusia,
ja heta rablu razam z mužykami, jakija stajać u mianie za śpinoj.
Dla taho my i jość u dziaržavie, kab abaranić našy siemji», — reziumavaŭ biełaruski kiraŭnik.