Parašenka moža skasavać pieramirje
Prezident Ukrainy Piatro Parašenka ŭviečary 24 červienia ŭ čas sustrečy z kiraŭnikami siłavych struktur addaŭ zahad biez vahańniaŭ adkryvać ahoń u adkaz na napady terarystaŭ.
Unian.net
Pra heta paviedamiła pres-słužba kiraŭnika dziaržavy.
U prezidenta nahadali, što «24 červienia bajeviki, nasupierak ułasnym abiacańniam vykonvać režym spynieńnia ahniu, dadzienym u Daniecku na sustrečy z pradstaŭnikami Trochbakovaj kantaktnaj hrupy, źbili viertalot Uzbrojenych Sił Ukrainy, što paciahnuła śmierć dzieviaci čałaviek».
Z momantu abviaščeńnia mirnaha płana prezidenta terarysty 35 razoŭ adkryvali ahoń pa ŭkrainskich vajennym, dadali ŭ pres-słužbie.
Kiraŭnik dziaržavy nie vyklučaje, što režym spynieńnia ahniu moža być admienieny daterminova, z pryčyny pastajannaha jaho parušeńnia kantralavanymi zvonku bajevikami.
Prezident Ukrainy spadziajecca na praviadzieńnie 25 červienia čatyrochbakovaj telefonnaj kanfierencyi z udziełam kanclera Hiermanii Anhieły Mierkiel, prezidenta Francyi Fransua Ałanda i prezidenta Rasii Uładzimira Pucina.
Parašenka raźličvaje, što śledstvam hetaj razmovy stanuć praktyčnyja kroki Rasii pa zabieśpiačeńni razzbrajeńnia i adklikańnie najomnikaŭ z terytoryi Ukrainy, a taksama ŭkaranieńnie nadziejnaha režymu biaśpieki na miažy.