U samalot zbornaj Ispanii jašče i trapiła małanka
U samalot zbornaj Ispanii, jakaja viartałasia dadomu paśla spynieńnia baraćby na čempijanacie śvietu ŭ Brazilii, trapiła małanka. Pra heta paviedamlaje ahienctva Reuters.
Samalot zbornaj Ispanii ŭ aeraporcie Madryda, AP
Incydent adbyŭsia padčas pasadki samalota, jaki lacieŭ z Kurytyby praz Kanarskija vyspy. Małanka ŭdaryła ŭ pravaje kryło, paśla čaho samalot paśpiachova pryziamliŭsia. Paciarpiełych nie było. Ispanskaja delehacyja abminuła presu i vakolnymi šlachami pakinuła madrydski aeraport.
Padapiečnyja Visente Del Boskie zaniali treciaje miesca ŭ adboračnaj hrupie čempijanatu śvietu, nie zdoleŭšy vyjści ŭ 1/8 finału i skłali ź siabie čempijonskija paŭnamoctvy. Ispancy vyjhrali adzin matč u hrupie V u kamandy Aŭstralii (3:0) i dvojčy sastupili Niderłandam (1:5) i Čyli (0:2).
Nacyjanalnaja kamanda Ispanii źjaŭlajecca čempijonam śvietu 2010 hoda i čempijonam Jeŭropy 2008 i 2012 hadoŭ.