40 abituryjentaŭ nabrali 100 bałaŭ na CT pa biełaruskaj i ruskaj movach
Na centralizavanym testavańni pa ruskaj i biełaruskaj movach 40 abituryjentaŭ atrymali 100 bałaŭ.
Pra heta paviedamiŭ dyrektar Respublikanskaha instytuta kantrolu viedaŭ Mikałaj Fiaśkoŭ.
Pavodle jaho słoŭ, 100 bałaŭ pa biełaruskaj movie nabrali 15 čałaviek, a mienš za 10 atrymali 2069 abituryjentaŭ. Pry hetym u dvuch čałaviek — 0 bałaŭ. Pa vynikach testavańnia pa ruskaj movie nazirałasia 25 stabalnikaŭ. Nižej čym na 10 bałaŭ testy napisali 8319, na 0 — 17.
«Hetyja 19 čałaviek nie zmohuć u hetym hodzie dalej udzielničać va ŭstupnaj kampanii, bo nie atrymajuć siertyfikat CT», — dadaŭ Mikałaj Fiaśkoŭ.
Usiaho na centralizavanaje testavańnie pa biełaruskaj movie, jakoje prajšło 14 červienia, prybyli 25 423 čałavieki. Na nastupny dzień — 15 červienia — na CT pa ruskaj movie źjavilisia 76 025 abituryjentaŭ.