Pucin sklikaŭ Radu biaśpieki RF pa situacyi va Ukrainie
Prezident RF Uładzimir Pucin u aŭtorak sklikaŭ pasiadžeńnie Savieta biaśpieki pa situacyi va Ukrainie.
Jak paviedamiŭ pres-sakratar Pucina Dźmitryj Piaskoŭ, prezident RF pravioŭ apieratyŭnaje naradu z pastajannymi členami Savieta biaśpieki Rasii, na sustrečy abmiarkoŭvałasia situacyja va Ukrainie i padrychtoŭka «kaśpijskaha samitu».
Pavodle jaho słoŭ, u naradzie pryniali ŭdzieł śpikier Savieta Fiederacyi Valancina Maćvijenka, staršynia Dziarždumy Siarhiej Naryškin, sakratar Savieta biaśpieki Mikałaj Patrušaŭ, kiraŭnik administracyi prezidenta Siarhiej Ivanoŭ, kiraŭnik MZS Siarhiej Łaŭroŭ, kiraŭnik MUS Uładzimir Kałakolcaŭ, ministr abarony Siarhiej Šajhu, dyrektar FSB Alaksandr Bortnikaŭ, kiraŭnik SZR Michaił Fradkoŭ, namieśnik sakratara Savieta biaśpieki Rašyd Nurhalijeŭ, člen Savieta biaśpieki Barys Hryzłoŭ.
«U chodzie narady abmiarkoŭvalisia roznyja aśpiekty padrychtoŭki čaćviortaha samitu prykaśpijskich dziaržaŭ. Akramia taho, adbyłosia detalovaje abmierkavańnie situacyi na Ukrainie, jakaja imkliva paharšajecca paśla taho, jak prezident Parašenka addaŭ zahad ab vychadzie z režymu spynieńnia ahniu», — skazaŭ Piaskoŭ.
Jak viadoma, u aŭtorak Pucin padčas vystupu na naradzie pasłoŭ u Maskvie zajaviŭ pra biezvynikovaść pieramovaŭ pa ŭrehulavańni situacyi na ŭschodzie Ukrainy.
Zhadany ž na naradzie Samit kiraŭnikoŭ prykaśpijskich dziaržaŭ projdzie vosieńniu ŭ Astrachani i budzie pryśviečany pytańniu pravavoha statusu Kaśpija. Heta pytańnie stała aktualnym paśla raspadu SSSR, kali źjaŭleńnie novych subjektaŭ mižnarodnaha prava — dziaržaŭ Azierbajdžan, Kazachstan i Turkmienistan — pastaviła pytańnie ab raźmiežavańni Kaśpija ŭžo pamiž piaćciu krainami. Składanaść vyznačeńnia statusu Kaśpija źviazanaja, u pryvatnaści, z pryznańniem jaho vozieram abo moram, raźmiežavańnie jakich rehulujecca roznymi pałažeńniami mižnarodnaha prava. Pieramoŭny praces pa ŭstalavańni novaha pravavoha statusu praciahvajecca da hetaha času.