U Izraili siońnia pachavali traich zabitych padletkaŭ FOTA
Jość vialikaja vierahodnaść, što pachavańnie traich padletkaŭ moža ŭskałychnuć novuju chvalu nacyjanalnaha hnievu ŭ Izraili.
Baćki Naftali Frenkiela — adnaho z zabitych padletkaŭ.
Cieły dvuch 16-šasnaccacihadovych padletkaŭ i 19-hadovaha junaka, źnikłych bieź viestak u pačatku červienia na Zachodnim bierazie raki Jardan, byli znojdzieny ŭ jamie niedaloka ad horada Chałchuł ŭ paniadziełak viečaram.
Siońnia ich pranieśli asobnymi pracesijami ad damoŭ da mohiłak, ale pachavali pobač.
Izrail maje namier pakarać za toje, što adbyłosia, palestynskuju hrupoŭku CHAMAS. «CHAMAS ŭ adkazie za heta, i CHAMAS zapłacić», — zajaviŭ izrailski premjer-ministr Bińjamin Nietańjachu.
Nieŭzabavie paśla taho, jak byli znojdzienyja cieły padletkaŭ, ź siektara Haza ŭ bok paŭdniovaha Izraila byli vypuščanyja 18 rakiet. Izrail, u svaju čarhu, nanios kala 30 avijaŭdaraŭ pa siektary Haza.
Miž tym, pastupili paviedamleńni pra toje, što izrailskija vojski ŭvajšli ŭ palestynskuju viosku Chałchuł, i damy dvuch palestyncaŭ, jakich Izrail nazyvaje hałoŭnymi padazravanymi ŭ zabojstvach, byli padarvanyja.
Pavodle dadzienych izrailskich vajennych, adzin palestyniec byŭ zastreleny paśla taho, jak nibyta kinuŭ bombu ŭ sałdat, jakija pravodzili apieracyju ŭ horadzie Džienin na Zachodnim bierazie raki Jardan.
Karespandent Bi-bi-si ŭ siektary Haza paviedamlaje, što CHAMAS admaŭlaje datyčnaść da zabojstva padletkaŭ i da zapusku rakiet,
zajaviŭšy, što Izrail vykarystoŭvaje «historyju z vykradańniami», kab apraŭdać vajennyja dziejańni suprać palestyncaŭ.