Avakaŭ: Uzryvaje rejki na čyhuncy Bieźler, kab potym źbirać «daninu» ź ciahnikoŭ
Padryvy čyhunačnych šlachoŭ i mastoŭ va ŭschodnich abłaściach Ukrainy, nie źviazanyja z bajavymi dziejańniami u zonie ATA. Pra heta padčas bryfinhu ŭ Iziumie Charkaŭskaj vobłaści skazaŭ žurnalistam v.a. ministra ŭnutranych spraŭ Ukrainy Arsien Avakov.
Pavodle jaho słoŭ, takim čynam lidar Horłaŭskich terarystaŭ, rasijanin Ihar Bieźler pa mianušcy «Bies» sprabuje ŭstalavać kantrol nad pieramiaščeńniem hruzaŭ.
«Hetyja padryvy ažyćciaŭlajuć maradziory. Heta ničoha ahulnaha nie maje z vajnoj. Prosta hrošy. Spadar Bieźler takim čynam zarablaje hrošy.
Jon uzryvaje čyhunačnyja šlachi takim čynam, kab usie vahony prachodzili praz adnu-dźvie nitki i jon by abkładaŭ ich daninaj», — skazaŭ Avakov.
«Mienavita z-za hetaha spadar Bieźler, pavodle našych dadzienych, zabiŭ tak zvanaha ministra transpartu tak zvanaj «Danieckaj narodnaj respubliki», — tamu, što na hetuju temu ŭ ich byli supiarečnaści», — skazaŭ v.a. ministra.
***
Ranicaj 1 lipienia bajeviki ździejśnili padryvy troch učastkaŭ čyhunki ŭ Danieckaj i Łuhanskaj abłaściach.
30 červienia terarysty sprabavali padarvać ciahnik z bojeprypasami na ŭčastku Kijeŭ—Charkaŭ
29 červienia ŭ Charkaŭskaj vobłaści byŭ ažyćcioŭleny padryŭ rejkavaha pałatna ŭ dvuch miescach. 27 červienia nieviadomyja dvojčy ŭzryvali čyhunačny most na stancyi «Horadnia» (Łuhanskaja vobł.). 24 červienia ŭ Zaparožskaj vobłaści nieviadomyja ŭzarvali čyhunačny most na vyjeździe z horada Arechaŭ. 22 červienia na ŭčastku Iłavajsk — Kutiejnikava nieviadomyja ažyćciavili padryŭ niacotnaj kalainy.