Za zabojstva i sprobu zabojstva žychar Horackaha rajona pryhavorany da 25 hadoŭ pazbaŭleńnia voli
Pryhavoram sudovaj kalehii pa kryminalnych spravach Mahiloŭskaha abłasnoha suda asudžany 23-hadovy nieadnarazova sudzimy za kradziažy i ŭhon aŭtatranspartnych srodkaŭ žychar Horackaha rajona za ŭčynieńnie złačynstvaŭ, praduhledžanych p. 6 č. 2 art. 139 KK (zabojstva, učynienaje z asablivaj žorstkaściu), č. 1 art. 14 i pp. 6, 16 č. 2 art. 139 KK (zamach na zabojstva, učynienaje z asablivaj žorstkaściu, asobaj, jakaja raniej učyniła zabojstva), č. 2 art. 205 KK (kradziež majomaści, učynieny paŭtorna), č. 2 art. 214 UK (uhon transpartnaha srodku paŭtorna, biez mety kradziažu).
Jak paviedamiła staršy pamočnik prakurora Mahiloŭskaj vobłaści Ała Kuźniacova, abvinavačvany ŭ kastryčniku 2013 hoda razam sa svaim 62-hadovym znajomym u domie apošniaha ŭ Horackim rajonie raśpivali śpirtnyja napoi. Padčas svarki hość nakinuŭsia na spadara z kułakami, a zatym staŭ źbivać jaho kačarhoj. Usiaho nanios paciarpiełamu nie mienš čym 24 udary pa žyćciova važnych orhanach, u tym liku pa hałavie. U vyniku śmierć paciarpiełaha nastupiła na miescy zdareńnia ad adkrytaj pranikajučaj čerapna-mazhavoj traŭmy.
Złačynca schavaŭ trup u skryniu dla bializny ŭ kanapie. Vykraŭ mabilny telefon zabitaha, začyniŭ kvateru na kluč, jaki vykinuŭ na vulicy. Zatym uhnaŭ aŭtamabil paciarpiełaha, na jakim jeździŭ tydzień. Svajakam paciarpiełaha, jakija jaho adšukvali, skazaŭ, što advioz jaho ŭ Oršu, adkul toj pajechaŭ na zarobki ŭ Rasiju. Padman raskryŭsia paśla taho, jak svajaki daviedalisia ŭ biletnych kasach ab tym, što mužčyna bilety na ciahnik nie nabyvaŭ.
Praz tydzień abvinavačvany zajšoŭ da svajoj susiedki, jakaja žyła paviercham nižej, i paprasiŭ pierakryć vadu. Jana spuściłasia ŭ padvał, jon pajšoŭ za joju, prychapiŭšy siakieru. Lazom i abuchom siakiery jon nanios paciarpiełaj nie mienš čym 20 udaraŭ pa žyćciova važnych orhanach. Vyrašyŭšy, što žančyna pamierła, abvinavačvany vykraŭ jaje telefon, sumku z hrašyma, zamknuŭ dźviery kvatery, sieŭ u mašynu haspadyni i źjechaŭ.
U hety dzień žančyna pavinna była vieźci svaju maci ŭ balnicu. Tamu svajaki, vyjaviŭšy źniknieńnie žančyny, svoječasova znajšli jaje ŭ kvatery, kudy jana vybrałasia z padvała, i dastavili ŭ balnicu.
Pryhavoram suda złamyśnik pryznany vinavatym va ŭčynienych złačynstvach i kančatkova pa sukupnaści złačynstvaŭ jamu pryznačana miera pakarańnia ŭ vyhladzie 25 hadoŭ pazbaŭleńnia voli z adbyvańniem u papraŭčaj kałonii va ŭmovach strohaha režymu. Adnačasova na karyść paciarpiełaj u lik kampiensavańnia maralnaha ŭronu ź jaho spahnana 80 młn. rubloŭ, i na karyść svajakoŭ zabitaha mužčyny — 100 młn. rubloŭ.