U Viciebskaj vobłaści z-za małanki za sutki zdaryłasia čatyry pažary
U Viciebskaj vobłaści z-za ŭdaraŭ małanki za minułyja sutki zdaryłasia čatyry pažary, paviedamili ŭ Viciebskim abłasnym upraŭleńni MNS.
Tak, ranicaj 20 lipienia zdaryŭsia pažar u niežyłym domie ŭ vioscy Žukava Haradockaha rajona, dniom — u vioscy Krasnałuki Čašnickaha rajona, u vyniku jakoha piensijanier 1949 hoda naradžeńnia pazbaviŭsia svajho žylla.
U 16.53 pastupiła paviedamleńnie ab pažary žyłoha doma ŭ vioscy Alchoŭcy Šarkaŭščynskaha rajona. Pažaram u domie źniščany dach, paškodžany stolevaje pierakryćcio, ścieny i majomaść. A viečaram małanka vyklikała pažar u łaźni ŭ vioscy Juchavičy Rasonskaha rajona.
U vyniku zdareńniaŭ nichto nie paciarpieŭ.