Premjer-ministr Mazambika prybyŭ u Biełaruś z aficyjnym vizitam
Premjer-ministr Mazambika Albiertu Vakina prybyŭ u Biełaruś z aficyjnym vizitam.
Albiertu Vakina budzie znachodzicca ŭ Biełarusi 21-24 lipienia. U čas vizitu zapłanavany ŭ tym liku pierahavory z premjer-ministram Biełarusi Michaiłam Miaśnikovičam, pa vynikach jakich čakajecca padpisańnie mižnarodnych dakumientaŭ.
Taksama Albiertu Vakina naviedaje šmatfunkcyjanalny kompleks «Minsk-Arena», Minski traktarny zavod, pradpryjemstva «Aziarycki-Ahra», Mirski i Niaśvižski zamki. U čas vizitu Biełaruskaja handlova-pramysłovaja pałata (BiełHPP) praviadzie biełaruska-mazambikskuju biźnies-sustreču i kantaktna-kaapieracyjnuju biržu pamiž pradstaŭnikami dziełavych kołaŭ dźviuch krain. Čakajecca, što ŭ joj prymuć udzieł ministr handlu i pramysłovaści hetaj dziaržavy Uschodniaj Afryki Armanda Inroha, pradstaŭniki kiraŭnictva BiełHPP i Kanfiederacyi handlovych asacyjacyj Mazambika.
Projduć prezientacyi ekanamičnaha i ekspartnaha patencyjału Biełarusi i Mazambika, Centra pa sadziejničańni inviestycyjam i Centra pa raźvićci sielskaj haspadarki Mazambika. Płanujecca padpisańnie miemaranduma ab uzajemarazumieńni pamiž BiełHPP i Kanfiederacyjaj handlovych pałat Mazambika.