23-hadovy mahiloviec vyrablaŭ porna z 19 hadoŭ: raspłata
Pryhavoram suda Kastryčnickaha rajona Mahilova asudžany 23-hadovy mahiloviec za vyrab i raspaŭsiudžvańnie parnahrafičnych materyjałaŭ, pradmietaŭ parnahrafičnaha charaktaru, u tym liku z vyjavaj niepaŭnaletnich.
Jak skazała staršy pamočnik prakurora Mahiloŭskaj vobłaści Ała Kuźniacova, asudžany va ŭłasnaj ankiecie na adnym z sajtaŭ stvaryŭ hrupy dla znosin i abmienu infarmacyjaj, u jakich raźmiaściŭ fajły, što adnosiacca, zhodna z zaklučeńniami mastactvaznaŭčych ekśpiertyz, da pradukcyi parnahrafičnaha charaktaru, zabaronienych da tyražyravańnia i raspaŭsiudžvańnia.
U chodzie papiaredniaha rasśledavańnia pa kryminalnaj spravie ŭstanoŭlena, što abvinavačvany stvaraŭ adpaviednyja hrupy ŭ 2010-2011 hadach. Na praciahu nastupnych hadoŭ dla pryciahnieńnia ŭ ich bolšaj kolkaści karystalnikaŭ raźmiaščaŭ hrafičnyja vyjavy i videafajły parnahrafičnaha charaktaru, u tym liku z udziełam niepaŭnaletnich.
Pryhavoram suda mahiloŭcu pryznačana pakarańnie ŭ vyhladzie pazbaŭleńnia voli terminam na 3 hady ŭ papraŭčaj kałonii va ŭmovach uzmocnienaha režymu.