Zadornaŭ: Źbićcio Boinha arhanizavali amierykancy, a Ukrainu treba nakryć rakietnym ahniom
Rasiejski satyryk Michaił Zadornaŭ abvinavaciŭ ZŠA ŭ trahiedyi Boeing-777 u Danbasie.
Pra heta jon napisaŭ u svaim błohu.
Satyryk prystrašyŭ, što rasiejskaje vojska moža nanieści ŭdar pa Ukrainie rakietnym kompleksam.
«Mnie zdajecca, treba nieadkładna pryvodzić u bajavy stan usio našaje vojska. Adkazać na tyja pravakacyjnyja abstreły, jakija viaducca z ukrainskaha boku pa rasiejskaj ziamli. U svoj čas na vostravie Damanski kitajcy taksama ładzili takija pravakacyi, a potym adzin ź miascovych aficeraŭ daŭ kamandu nakryć usio rakietnym kompleksam na niekalki kiłamietraŭ u bok ad rasiejskaj miažy. Kitajcy nikoli bolš tudy nie sunulisia! Aficera źniali z pasady, ale pry hetym uznaharodzili», — zajaviŭ jon.
Sa słoŭ Zadornava, pravakacyja nibyta była vielmi dobra spłanavanaja — rasiejcy nibyta pra jaje navat nie zdahadvalisia.
«Razumieju, čamu Pucin tak źbiantežany ŭpieršyniu za apošnija miesiacy. Hetaja pravakacyja była hetak sakretna spłanavanaja, što našy ničoha pra jaje nie zmahli zahadzia daviedacca. Projhryš heta? Dumaju, što nie. Ale achviar budzie šmat. Nie sumniavajusia, što Amieryka narešcie pacierpić surjozny krach. Ale dahetul jašče šmat narobić biady. Hetak ža ahanizavaŭ u svoj čas i toj samy impierski Rym, prynosiačy biedy šmatlikim narodam», — piša jon.
Pry hetym satyryk zajaviŭ, što ZŠA nie darma vybrali mienavita hety rejs.
«Biezumoŭna, Amierycy treba było znoŭ arhanizavać surjoznuju pravakacyju, kab mieć prava ŭvieści nataŭskija vojski «miratvorcaŭ» na terytoryju Uschodniaj Ukrainy. Kali praz terakty 11 vieraśnia zahinuli tysiačy amierykancaŭ, što takoje dla ich prykładna 300 zahinułych pasažyraŭ Boinha? I nievypadkova byŭ vyličany mienavita hety palot, bo hetym rejsam lacieli i amierykancy! Amierykanskim palitykam nie škada nikoha, u tym liku i svaich. Heta staranna spłanavanaja akcyja. Ukrainskija vajskoŭcy jaje realizavali razam z amierykanskimi śpiecyjalistami», — padkreśliŭ jon.
Zadornaŭ taksama zahavaryŭ ab «fašyźmie, jaki zaradžajecca na Ukrainie» i nieabchodnaści zhurtavacca dla baraćby ź im.
Pry hetym jon zajaviŭ, što ŭkrainskaje vojska śpiecyjalna abstrelvaje miažu z RF, kab spravakavać susieda na vajskovyja dziejańni.