Rasija patrabuje rasśledavańnia mahčymaha ŭdziełu najomnikaŭ ź jeŭrapiejskich krain na baku Kijeva
Rasija patrabuje ad šeraha jeŭrapiejskich krain, u tym liku Bałtyi, pravieści rasśledavańnie mahčymaha ŭdziełu najomnikaŭ z hetych dziaržaŭ va ŭkrainskim kanflikcie na baku siłavikoŭ bataljona «Azoŭ», havorycca ŭ raźmieščanym siońnia na sajcie MZS RF kamientaryi.
Źniešniepalityčnaje viedamstva aznajomiłasia z publikacyjaj italjanskaha vydańnia Il Giornale adnosna ŭdziełu najomnikaŭ z šeraha jeŭrapiejskich dziaržaŭ, u pryvatnaści Šviecyi, Finlandyi, krain Bałtyi, Francyi, u bajavych dziejańniach na baku ŭkraincaŭ u składzie bataljona «Azoŭ», dziejnaść jakoha finansujecca i nakiroŭvajecca aliharcham-hubiernataram Iharam Kałamojskim.
«Kali infarmacyja, źmieščanaja ŭ publikacyi, adpaviadaje rečaisnaści, heta źjaŭlajecca novym paćviardžeńniem dačynieńnia inšaziemnych bajevikoŭ da ŭzbrojenaha ŭnutryŭkrainskaha kanfliktu nie mižnarodnaha charaktaru. Patrabujem ad aficyjnych uład nazvanych krain pravieści hruntoŭnaje rasśledavańnie pryviedzienych faktaŭ i asudzić udzieł najomnikaŭ u vajennych dziejańniach na Uschodzie Ukrainy», — skazana ŭ zajavie rasijskaha MZS.