Brazilski futbalist Edmar atrymaŭ pozvu va ŭkrainskaje vojska
Paŭabaronca «Mietalista» i zbornaj Ukrainy Edmar paviedamiŭ, što atrymaŭ pozvu ŭ vojska.
«Ja źviarnuŭsia ŭ kłub, jany skazali prynieści im hetuju papieru — tady i buduć vyrašać hetaje pytańnie. Ja nie viedaju, moža być, chto-niebudź z maich partnioraŭ pa kamandzie taksama atrymaŭ pozvu, ale mnie nichto ničoha nie kazaŭ.
Žonka maja vielmi spałochałasia, ale ja jaje supakoiŭ, skazaŭ, što ŭsio budzie narmalna. Usim zajmajecca kłub, ja ž uvieś čas trenirujusia, chutka start čempijanatu.
Kali b raptam sapraŭdy pryjšłosia iści ŭ vojska, ja nie viedaju, što b ja rabiŭ. Adzinaje, što ja ŭmieju dobra — hulać u futboł», — skazaŭ Edmar.
Edmar atrymaŭ hramadzianstva Ukrainy ŭ 2011 hodzie. Z tych časoŭ naturalizavany brazilec pravioŭ 9 matčaŭ za nacyjanalnuju zbornuju Ukrainy.