Na vulicy Kulman u Minsku źjaviŭsia niezvyčajny pierachod
jak Vy aceńvajecie takuju navacyju?
Novy piešachodny pierachod źjaviŭsia na vulicy Kulman u rajonie doma №9.
Jak paviedamiła kiraŭnik pres-słužby DAI HUUS Minharvykankama Taćciana Charlinskaja, raniej pa susiedstvie z Kamaroŭskim rynkam u dvuch dziasiatkach mietraŭ adzin ad adnaho raźmiaščalisia dźvie «ziebry». Adnak dla bolšaj biaśpieki minakoŭ było vyrašana arhanizavać adzin pierachod, adnačasova vyklučyŭšy mahčymaść pierasiačeńnia prajeznaj častki pa-za pierachodam za košt raźmiaščeńnia darožnaj aharodžy.
Ustanoŭleny taksama darožnyja znaki «Piešachodny pierachod» z padvyšanaj śviatłoadbivalnaj zdolnaściu, a bieła-žoŭtaja darožnaja raźmietka pryciahvaje ŭvahu kiroŭcaŭ da tych, što iduć pa «ziebry». Dadatkovuju biaśpieku zabiaśpiečvaje štučnaja niaroŭnaść, jakaja prymušaje kiroŭcaŭ źnižać chutkaść i akcentavać uvahu na padjeździe da niebiaśpiečnaha učastku.
«Pierachod dobra prahladajecca z kiroŭčaha siadzieńnia, pakolki ŭ niepasrednaj blizkaści adsutničajuć budynki, zialonyja nasadžeńni i, samaje hałoŭnaje, pryparkavany transpart, — adznačaje T. Charlinskaja. — Šyrynia vulicy na piešachodnym pierachodzie i na padjeździe da jaho roŭnaja 3,5 m, što nie dazvalaje nieśviadomym kiroŭcam ažyćciaŭlać pablizu prypynak i stajanku transpartnych srodkaŭ. Efiektyŭnaj pieraškodaj dla parušalnikaŭ praviłaŭ parkoŭki stanoviacca i małyja architekturnyja formy (sa śviatłoadbivalnymi ŭstaŭkami) na tratuary».