U Charkaŭ prybyŭ ciahnik ź ciełami zahinułych padčas krušeńnia małazijskaha Boinha
U Charkaŭ prybyŭ ciahnik ź ciełami zahinułych pasažyraŭ małajzijskaha avijałajniera Boinh-777.
Fota Reuters.
Jak paviedamlaje segodnya.ua, ciahnik paśla prypynku zajechaŭ na terytoryju zavoda im. Małyšava. U sastavie ciahnika było 5 vahonaŭ-refryžerataraŭ, 1 pasažyrski vahon i łakamatyŭ. Žurnalistaŭ na terytoryju zavoda nie puskajuć.
Vahony ź ciełami i ŭsie dastaŭlenyja materyjały ź miesca padzieńnia Boinha buduć zachoŭvacca na terytoryi zavoda ŭ prystasavanym anhary. Tut ža budzie arhanizavana praca mižnarodnaj kamisii.
Nahadajem, padčas katastrofy 17 lipienia zahinuli 283 pasažyry, u tym liku 3 niemaŭlat, i 15 členaŭ ekipaža.
Na miescy avaryi byli znojdzienyja 282 cieły i 87 frahmientaŭ, jakija naležać 16 ciełam zahinułych ludziej.
Uviečary 21 lipienia ciahnik ź ciełami zahinułych adpraviŭsia z Tareza Danieckaj vobłaści ŭ napramku Charkava praz Danieck.