Bajeviki Mazhavoha ŭnačy pakinuli Lisičansk
Zahad vyjści z horada daŭ palavy kamandzir Alaksiej Mazhavy.
Jon patłumačyŭ svajo rašeńnie praz telefon dla infarmacyjnych resursaŭ, źviazanych z terarystami, niežadańniem padstaŭlać mirnych žycharoŭ pad ahoń artyleryi.
Lidar samaabvieščanaj Łuhanskaj Narodnaj Respubliki adhuknuŭsia na takoje rašeńnie Mazhavoha ŭ kamiunikie, u jakim padkreśliŭ, što heta kamandzir atrada «Pryvid», «adnaho z padraździaleńniaŭ armii ŁNR», ale «nie źjaŭlajecca lidaram apałčeńnia Łuhanskaj narodnaj respubliki».
Ukrainskija vojski ciaham nočy i ranku praciahvali abstreł pazicyj bajevikoŭ pad Danieckam i Łuhanskam.
Kala rasijskaj miažy, u rajonie Marynaŭki, padraździaleńniam mikałajeŭskich desantnikaŭ udałosia vyjści z atačeńnia. Jak paviedamlajuć ukrainskija ŚMI, jany heta zrabili z ułasnaj inicyjatyvy, biez zahadu źvierchu.
Situacyja ŭ rajonie Marynaŭki—Amvrosijeŭki—Śniežnaha zastajecca składanaj dla ŭkrainskich vojskaŭ, bo jany raścisnutyja jak u buterbrodzie miž bajevikami i rasijskaj miažoj. Ich abstrelvajuć z dvuch bakoŭ.