Sukupnaja suma zapazyčanaści Kitaja pieravysiła 250% VUP
Na 30 červienia 2014 hoda adnosiny ahulnaj pazyki KNR da VUP składali 251% suprać 147% na 31 śniežnia 2008 hoda. Heta dadatkova ŭskładniaje zadaču kitajskich uładaŭ pa stabilizacyi ekanamičnaha rostu, piša Financial Times.
Niahledziačy na mahčymyja adroźnieńni ŭ padychodach da raźlikaŭ, ahulnaja tendencyja vidavočnaja. Hetkija chutkija tempy rostu zapazyčanaści vyklikajuć u ekśpiertaŭ bolš naściarohi, jak jaje absalutnyja pamiery.
«Biahučy ŭzrovień pazykovaj nahruzki Kitaja ŭžo zanadta vysoki pavodle standartaŭ krain, jakija raźvivajucca, i ŭsie tyja niešmatlikija krainy, dzie pazykovaja nahruzka vyšejšaja, źjaŭlajucca dziaržavami z vysokim uzroŭniem dachodu. Inšymi słovami, Kitaj ulez u pazyku da taho, jak razbahacieŭ», — adznačajuć ekśpierty.
Dla paraŭnańnia: na kaniec minułaha hoda adnosiny ahulnaj pazyki ZŠA da VUP składali 260%, dla Vialikabrytanii hety pakazčyk byŭ roŭny 277%. Rekordnaja pazykovaja nahruzka ŭ Japonii — 415% VUP.