Pucin: Pramoj vajennaj pahrozy suvierenitetu Rasii ciapier niama
Pramoj vajennaj pahrozy suvierenitetu i terytaryjalnaj cełasnaści RF ciapier niama, zajaviŭ prezident Rasii Uładzimir Pucin na pasiadžeńni Savieta biaśpieki RF ŭ aŭtorak.
«Zrazumieła, pramoj vajennaj pahrozy suvierenitetu abo cełasnaści našaj krainy, viadoma, niama, harantyja taho, pierš za ŭsio, stratehičny bałans sił u śviecie», — skazaŭ Pucin.
Pavodle jaho słoŭ, u dačynieńni da Rasii ŭsio čaściej hučyć mova ultymatumaŭ, adnak Maskva zychodzić z taho, što prablemy pavinny vyrašacca šlacham dyjałohu.
«Adnak siońnia ŭ śviecie ŭsio čaściej hučyć mova ultymatumaŭ i sankcyj… Niepažadanyja režymy, krainy, jakija pravodziać niezaležnuju palityku, abo prosta stajać na šlachu čyich-niebudź intaresaŭ, destabilizujucca. Dla hetaha ŭ chod iduć tak zvanyja kalarovyja revalucyi, a kali nazyvać rečy svaimi imionami, dziaržaŭnyja pieravaroty», — zajaviŭ Pucin.
Inšyja zajavy, jakija zrabiŭ Uładzimir Pucin padčas pasiedžańnia Rady biaśpieki RF:
- «Abapirajučysia na hramadzianskuju supolnaść, my nikoli nie dapuścim dumki pra toje, kab ŭdaskanaleńnie našaj pracy va ŭsich hetych abłaściach było dazvolena vyklučna dla zakručvańnia niejkich hajek. Ni ŭ jakim vypadku my pa hetym šlachu nie pojdziem. Budziem abapiracca mienavita na hramadzianskuju supolnaść, pierš za ŭsio».
- «U suviazi z hetym (uzmacnieńnie hrupoŭki vojskaŭ NATA na terytoryi ŭschodniejeŭrapiejskich dziaržaŭ) nieabchodna całkam i ŭ termin realizoŭvać usie zapłanavanyja miery pa ŭmacavańni abaranazdolnaści krainy, u tym liku, zrazumieła, i ŭ Krymie, u Sievastopali, dzie nam faktyčna prychodzicca znoŭ adnaŭlać vajennuju infrastrukturu».
- «Liču, što my pavinny padumać nad dadatkovymi krokami pa źnižeńni zaležnaści nacyjanalnaj ekanomiki i jaje finansavaj sistemy ad niespryjalnych vonkavych čyńnikaŭ. Ja maju na ŭvazie nie tolki niestabilnaść na hłabalnych rynkach, ale i mahčymyja palityčnyja ryzyki».
- «Vielmi važna, kab aktyŭnuju pazicyju zajmała naša hramadzianskaja supolnaść, reahavała na fakty parušeńnia pravoŭ i svabod čałavieka, unosiła svoj układ u prafiłaktyku radykalizmu i ekstremizmu».
- «Spadziajemsia, što našyja nacyjanalnyja zakonnyja intaresy buduć uličvacca, a sprečnyja pytańni, jakija zaŭsiody majuć miesca być, ŭźnikajuć, buduć vyrašacca vyklučna dypłamatyčnym šlacham, šlacham pieramoŭ, nichto nie budzie ŭmiešvacca ŭ našyja spravy».
- «Viadoma, heta žachlivaja trahiedyja. Rasija ŭsio, što ad jaje zaležyć, budzie rabić dla paŭnavartasnaha ŭsiebakovaha hłybokaha i transparentnaha rasśledavańnia. Nas zaklikajuć akazać uździejańnie na apałčeńnie. Usio, što ŭ našych siłach, paŭtaraju, my, viadoma, budziem rabić, ale hetaha zusim nie dastatkova».
- «Rasija, dziakuj Bohu, nie ŭvachodzić ni ŭ jakija aljansy, heta taksama ŭ značnaj stupieni załoh našaha suvierenitetu, lubaja kraina, jakaja ŭ aljansy ŭvachodzić, adrazu častku svajho suvierenitetu addaje, i daloka nie zaŭsiody heta adlustroŭvaje nacyjanalnyja intaresy toj ci inšaj krainy, ale heta ich suvierennaje rašeńnie».