Ukrainskija siłaviki vyzvalili Sievieradanieck
Siłaviki vyzvalili Sievieradanieck, nad horadam łunaje ŭkrainski ściah.
Pra heta paviedamlaje žurnalist Intera Raman Bačkała na svajoj staroncy ŭ Facebook.
«Sievieradanieck vyzvaleny, nad meryjaj znoŭ łunaje ŭkrainski ściah», — paviedamiŭ jon.
U svaju čarhu śpikier Viarchoŭnaj Rady Alaksandr Turčynaŭ paviedamiŭ, što razmaŭlaŭ z kiraŭnikom MUS Arsienam Avakavym.
«Nacyjanalnaja hvardyja razam z uzbrojenymi siłami ŭvajšła ŭ Sievieradanieck. Zaraz adbyvajecca poŭnaja začystka ad terarystaŭ», — skazaŭ jon.
U vyzvaleńni horada ŭdzielničali padraździaleńni Nacyjanalnaj hvardyi i MUS.
«Pravaachoŭniki ŭziali pad svoj kantrol budynak haradskoha savieta, haradździeła milicyi i miascovaha ŭpraŭleńnia pa baraćbie z arhanizavanaj złačynnaściu, a taksama budynak Upraŭleńnia SBU», — skazana ŭ paviedamleńni pres-słužby MUS.
«Na adnym z abjektaŭ siłaviki znajšli cieły dvuch rasstralanych hramadzian. Akramia taho, byli vyzvalenyja čaćviora zakładnikaŭ, žycharysusiednich rajonaŭ, jakija praviali ŭ pałonie kala miesiaca. Samomu starejšamu ź ich — 57 hadoŭ, samamu małodšamu — 21 hod. Vyzvalenyja paviedamili, što terarysty padviarhali ich katavańniam», — adznačyli ŭ MUS.
Z vyzvalenymi hramadzianami pravodziacca nieabchodnyja śledčyja dziejańni, vyśviatlajucca ŭsie abstaviny ich trapleńnia ŭ pałon.