U Homieli chłopiec zastaŭsia biez vačej, pakuryŭšy spajsu
U Homieli ŭžyvańnie spajsu pryviało da trahiedyi.
Jak paviedamlaje ŭpraŭleńnie infarmacyi i hramadskich suviaziej MUS Biełarusi, 21 lipienia kala 23 hadzin u milicyju pa śpieclinii 102 pastupiła paviedamleńnie ab parušeńni hramadskaha paradku na vulicy Dakutoviča (pryvatny siektar). Pavodle słoŭ taho, chto zvaniŭ, u dvary susiedniaha doma biehali hołyja mužčyny i šumieli.
Na miesca vybyła śledča-apieratyŭnaja hrupa Čyhunačnaha RAUS i supracoŭniki AMAP. U adnym z pakojaŭ doma jany znajšli chłopca 1991 hoda naradžeńnia. U jaho byli vydalenyja abodva voki, značna paškodžany vostrym pradmietam nos, ščaka, vušy. Pobač na łožku znachodzilisia dva siabry paciarpiełaha (1985 i 1993 hadoŭ naradžeńnia). Ich pavodziny byli adnaznačna acenieny jak vielmi nieadekvatnyja.
Paciarpiełamu była vyklikana chutkaja miedycynskaja dapamoha, jakaja dastaviła jaho ŭ najbližejšuju miedustanovu. Jaho siabroŭ advieźli ŭ rajadździeł milicyi dla dalejšaha razboru.
Zhodna z papiaredniaj infarmacyjaj, maładyja ludzi sustrelisia kala 19 hadzin taho ž dnia. Vyrašyŭšy paviesialicca ŭ kvatery adnaho ź ich, jany nabyli kurylnuju sumieś (spajs) i, vierahodna, užyli jaje.
Ciapier detalova ŭ abstavinach zdareńnia raźbirajucca śledčyja. Pa fakcie pryčynieńnia ciažkich cialesnych paškodžańniaŭ (č. 2 art. 147 KK) raspačata kryminalnaja sprava.