Łukašenka: Ja nie suprać impartnaha, ale vyhadna pradstaŭcie i naš tavar
Alaksandr Łukašenka zajaŭlaje ab nieabchodnaści bolš aktyŭnaj papularyzacyi abjektami handlu tavaraŭ biełaruskaj vytvorčaści.
Ab hetym kiraŭnik dziaržavy zajaviŭ siońnia na sustrečy sa staršynioj savieta dyrektaraŭ TAA «Tytuń-Inviest» Paŭłam Tapuzidzisam, dzie abmiarkoŭvalisia prapanovy biźniesmiena ab raźvićci ŭ Biełarusi abjektaŭ handlovaj sietki.
«Kali ŭ Biełarusi jość tavar (ajčynny anałah zamiežnaha), jon pavinien być vyhadna pradstaŭleny ŭ lubym mahazinie.
Niekatoryja siońnia stohnuć, płačuć, što ŭ nas, maŭlaŭ, niama taho tavaru, jak za miažoj. A ja pytajusia: ci jość u vas valuta dla taho, kab zakupić hety tavar i pradać, my ž vyvozim valutu. Tamu treba i heta mieć na ŭvazie»,
— skazaŭ Łukašenka.
«Mahčyma, dzie-niebudź pa niejkich siehmientach my nie daciahvajem da impartu, ale hety tavar u nas vyrablajecca, i jon u razy tańniejšy, čym impartny. Ja nie suprać impartnaha, ale vyhadna pradstaŭcie i naš tavar», — padkreśliŭ jon.
«Viadoma, ja budu padtrymlivać i nastojvać, kab pradavali ŭsio ž taki biełaruskaje. Heta patrabavańnie stavicca mnoj u miakkaj formie, ale my budziem bolš aktyŭnymi ŭ hetym napramku, i vy pavinny razumieć, što treba pradavać i biełaruskija tavary.
Pa praduktach charčavańnia tut prablem asablivych niama, ale treba, kab byŭ pradstaŭleny i asartymient adzieńnia, abutku i hetak dalej»,
— zajaviŭ kiraŭnik dziaržavy.
Alaksandr Łukašenka taksama źviarnuŭ uvahu, što i samomu handlu nieabchodna bolš aktyŭna patrabavać i zaachvočvać vytvorcaŭ tavaraŭ da vytvorčaści zapatrabavanaj pradukcyi. «Ź inšaha boku, ja chaču, kab vy ŭsio ž taki padnaciskali naš lehpram, prymušali vyrablać toje, što patrebna nasielnictvu», — dadaŭ biełaruski lidar.