BČ admianiaje z 12 žniŭnia ciahnik Baranavičy-Maryupal
Biełaruskaja čyhunka z 12 žniŭnia admianiaje ciahnik № 384/383 Baranavičy-Maryupal, paviedamili ŭ pres-centry BČ.
Takoje rašeńnie pryniata «ŭ suviazi sa stanoviščam va ŭschodnich rehijonach Ukrainy pa ŭzhadnieńni z čyhunačnaj administracyjaj «Ukrzaliźnicia», rastłumačyli śpiecyjalisty.
Akramia taho, u pres-centry źviarnuli ŭvahu, što z 22 lipienia i da admieny maršrut ciahnika budzie skaročany da stancyi Charkaŭ. Tak, z 22 lipienia pa 10 žniŭnia ciahnik № 384 budzie kursiravać u znosinach Baranavičy-Charkaŭ pa cotnych čysłach, adpraŭlajučysia z Baranavič u 22.17 i prybyvajučy ŭ Charkaŭ u 19.13. U zvarotnym kirunku z 24 lipienia pa 12 žniŭnia ciahnik taksama budzie kursiravać pa cotnych čysłach. Čas adpraŭleńnia z Charkava — 03.12, prybyćcia na kančatkovuju stancyju Baranavičy-Paleskija — 00.15. Čas u šlachu składzie kala 21 hadziny.
Pasažyram, jakija žadajuć jechać dalej da čyhunačnych stancyj, raźmieščanych na ŭčastku Charkaŭ-Danieck-Maryupal, BČ dała mahčymaść vykanać pierasadku na stancyi Charkaŭ na ciahnik № 321 Charkaŭ-Maryupal (adpraŭlajecca štodnia ŭ 22.15 i prybyvaje na kančatkovuju stancyju ŭ 09.13).
Pasažyry, jakija jeduć u Biełaruś u zvarotnym kirunku, mohuć skarystacca ciahnikom № 322 Maryupal-Charkaŭ (adpraŭleńniem sa stancyi Maryupal štodnia ŭ 18.38 i prybyćciom u Charkaŭ u 04.43) i dalej pierasieści na štodzionny ciahnik № 100 Simfieropal-Minsk (adpraŭlajecca sa stancyi Charkaŭ u 05.44 i prybyvaje ŭ Minsk u 23.17).