U Minsku źnikła 18-hadovaja žycharka Smalavickaha rajona
Pošukava-vyratavalny atrad «Anioł» i partał tut.by paviedamlajuć pra toje, što supracoŭniki milicyi, svajaki i dobraachvotniki PVA šukajuć u Minsku 18-hadovuju Juliju Sałamacinu, źnikłuju ŭ stalicy.
Za paru dzion da źniknieńnia dziaŭčyna paznajomiłasia z chłopcam praź internet (jak miarkujecca, u sacyjalnych sietkach) i vyrašyła paznajomicca ź im asabista, dla čaho i pryjechała ŭ Minsk. Paśla hetaha suviaź ź joj rezka abarvałasia.
Dziaŭčyna pražyvaje ŭ pasiołku Akciabrski Smalavickaha rajona (Minskaja vobłaść). Ustanoŭlena, što ŭviečary 18 lipienia jana była zaŭvažanaja ŭ Minsku na vulicy Piatra Hlebki ŭ Frunzienskim rajonie. Da hetaha času pra miescaznachodžańnie dziaŭčyny ničoha nie viadoma.
Była abutaja ŭ basanožki karyčnievyja na płatformie, mieła pry sabie ryžuju sumku i soncaachoŭnyja akulary. Prykmiety: rost kala 170 sm, narmalnaha ciełaskładu, vočy šera-zialonyja, vałasy kaštanavyja. Asablivyja prykmiety: tatu na levym plačy bližej da hrudziej u vyhladzie roznakalarovaj kvietki, na pravym plačy — ptuška.