Miron uźniaŭ ściah nad Viciebskam da 77-ch uhodkaŭ Karatkieviča
Bieła‑čyrvon‑bieły ściah źjaviŭsia napiaredadni dnia narodzinaŭ piśmieńnika ‑‑ kala 9‑j viečara 25‑ha listapada. Jon byŭ prymacavany da budaŭničych ryštavańniaŭ niedaloka ad pomnika Karatkieviču, jaki staić u skvery kala płoščy Lenina
.
Bieła‑čyrvon‑bieły ściah źjaviŭsia napiaredadni dnia narodzinaŭ piśmieńnika ‑‑ kala 9‑j viečara 25‑ha listapada. Jon byŭ prymacavany da budaŭničych ryštavańniaŭ niedaloka ad pomnika Karatkieviču, jaki staić u skvery kala płoščy Lenina
Nacyjanalny symbal łunaŭ mienš za paŭhadziny. Žurnalisty navat nie paśpieli sfatahrafavać hetuju padzieju, bo da budynka Viciebskaha dziaržaŭnaha ŭniversyteta pa vulicy Čechava, pobač ź jakim źjaviŭsia ściah, amal adrazu ž padjechali dźvie milicejskija mašyny. Dvoje supracoŭnikaŭ Kastryčnickaha RAUSu z paŭhadziny zdymali ściah, prymacavany na ŭzroŭni treciaha pavierchu. Jašče niekalki milicyjantaŭ zładzili abłavu na Mirona, sprabujučy adšukać jaho ŭ ciamrečy staroha parku, adnak nikoha nie złavili.
Padrabiaznaści pra zdareńnie raspavioŭ starejšy viciebski apazycyjaner Barys Chamajda. Jon paviedamiŭ, što jamu viadomy źmiest cydułki, prymacavanaj da ściaha:
«Mnie stała viadoma, što ŭ 20‑ci metrach ad pomnika Karatkieviču źjaviŭsia bieła‑čyrvona‑bieły ściah. I tam jość cydułka z nastupnym tekstam: «Da narodzinaŭ Čaraŭnika biełaruskaha słova Uładzimiera Symonaviča Karatkieviča. Chrystos pryziamliŭsia ŭ Viciebsku!» I podpis: «Miron»
Aficyjnyja imprezy da 77‑ch uhodkaŭ Uładzimiera Karatkieviča prajšli ŭčora na jahonaj radzimie — u aršanskim muzei piśmieńnika.
Siońnia a 6‑j viečara hramadzkija aktyvisty miarkujuć sabracca kala pomnika Karatkieviču ŭ Viciebsku, uskłaści kvietki dy zładzić paetyčnuju viečarynu.