Homielski KDB prypyniŭ śledztva suprać maładafrontaŭcaŭ
Śledztva pa kryminalnaj spravie prypyniena «praź niemahčymaść praviadzieńnia śledčych dziejańniaŭ, bieź jakich nia moža być pryniata rašeńnie ab zaviaršeńni papiaredniaha śledzstva».
UKDB pa Homielskaj vobłaści prypyniła papiaredniaje śledstva pa kryminalnaj spravie ŭ adnosinach da dziejnaści niezarehistravanaj arhanizacyi «Małady front»
Upraŭleńnie KDB pa Homielskaj vobłaści prypyniła papiaredniaje śledstva pa kryminalnaj spravie ŭ adnosinach da dziejnaści niezarehistravanaj arhanizacyi «Małady front». Ab hetym BiełaPAN paviedamiŭ hramadski aktyvist Andrej Cianiuta, jaki prachodzić pa hetaj spravie ŭ jakaści padazronaha.
Pavodle słoŭ Cianiuty, 24 listapada jon atrymaŭ pa pošcie list za podpisam śledčaha UKDB pa Homielskaj vobłaści Dźmitryja Siedlarova. U im skazana, što papiaredniaje śledstva pa kryminalnaj spravie prypyniena «z‑za niemahčymaści praviadzieńnia śledčych dziejańniaŭ, bieź jakich nie moža być pryniata rašeńnie ab zaviaršeńni papiaredniaha śledstva».
Na dumku Cianiuty, takoje rašeńnie pryniata supracoŭnikami UKDB ŭ suviazi z tym, što na hety čas niemahčyma dapytać abvinavačvanych pa spravie «Maładoha frontu» — u pryvatnaści Kiryły Atamančyka sa Žłobina, jaki ciapier znachodzicca za miežami Biełarusi.
Kiryła Atamančyk |
Voś, što miarkuje nakont hetaha sam Kirył:
«Toje, što prypynili hetuju spravu asabista ŭ mianie nie vyklikała niejkaha ździŭleńnia. Heta — naturalna, i ja čakaŭ hetaha. Lohika karnikaŭ prostaja: «kali nie tak, dyk inakš. Ja miarkuju, što takim čynam jany prosta chočuć jak maha bolej času trymać nas za miažoju i śvieści da minimumu šaniec našaha viartańnia na Radzimu. Bo siadzieć da sudu ŭ izalatary — nia vielmi pryjemna,a stračvać ceły hod navučańnia — tym bolš, tamu i pryjšłosia vybirać. Vybar zrobleny…