Litoŭskaja prakuratura: Biełaruski hramadski dziejač Vajnicki skončyŭ žyćcio samahubstvam
Vilenskaja akruhovaja prakuratura (VAP) paćvierdziła, što biełaruski hramadski dziejač Raman Vajnicki pakončyŭ z saboj, kali stali ŭspłyvać jaho finansavyja afiery ŭ vilenskaj siaredniaj škole imia Franciška Skaryny.
lrytas.lt
VAP spyniła dasudovaje rasśledavańnie ab śmierci Vajnickaha, adnak na łavu padsudnych siadzie jaho saŭdzielnik — buchhałtar vilenskaha municypalnaha biudžetnaha pradpryjemstva Biudzetiniu įmoniu buhalterine apskaita («Buchhałtarski ŭlik biudžetnych pradpryjemstvaŭ»). Sprava buchhałtara, jakaja padazrajecca ŭ kradziažach majomaści, užo pieradadziena ŭ sud, piša hazieta Lietuvos rytas.
Kali 6 sakavika minułaha hoda ŭ padvale adnaho z damoŭ u Vilni było znojdziena cieła 52-hadovaha Vajnickaha, u suviazi ź jaho śmierciu było šmat raznastajnych viersij.
Ruki i nohi mužčyny byli źviazany, rot byŭ zaklejeny lipkaj stužkaj, pierad śmierciu jon skardziŭsia blizkim i supracoŭnikam na pahrozy.
Prakurory vyśvietlili, što Vajnicki pakončyŭ z saboj takim niezvyčajnym sposabam, kali stali praviarać jaho dziejnaść u siaredniaj škole imia Skaryny.
Akazałasia, što ŭ jaho byli niepryjemnaści z vydzielenymi škole srodkami — stała viadoma nie tolki ab niastačy hrošaj, vyłučanych z fondaŭ Jeŭrasajuza, ale i ab niastačy srodkaŭ, jakija škoła atrymlivała z municypaliteta.