Biełaruś planuje rost spažyvańnia hazu
Spažyvańnie hazu ŭ Biełarusi da 2020 hoda ŭ adpaviednaści ź pierśpiektyŭnym bałansam składzie 23-25 młrd.kub.m u hod. Ab hetym paviedamiŭ pieršy namieśnik ministra enierhietyki Biełarusi Eduard Taŭpianiec siońnia na pasiadžeńni rabočaj hrupy Ch Minskaha forumu.
Pavodle jaho słoŭ, choć faktyčnaje spažyvańnie hazu ŭ respublicy ŭzraście, dola hetaha vidu paliva ŭ enierhabałansie budzie źnižacca za košt dyviersifikacyi pastavak enierharesursaŭ i pavieličeńnia vykarystańnia miascovych vidaŭ paliva.
Eduard Taŭpianiec adznačyŭ, što takija patrebnaści ŭ pryrodnym hazie Biełarusi abumoŭleny raźvićciom ekanomiki respubliki - da 2020 hoda płanujecca vytvorčy rost u 2-2,5 raza. Akramia taho, realizujecca prahrama hazifikacyi nasielenych punktaŭ, u tym liku rajonaŭ, što paciarpieli ad avaryi na ČAES. Na zabrudžanych terytoryjach pavinna vykarystoŭvacca ekałahična čystaje paliva - pryrodny haz, padkreśliŭ pieršy namieśnik ministra.
Razam z tym za košt dyviersifikacyi pastavak enierharesursaŭ i źnižeńnia enierhajomistaści VUP u Biełarusi budzie zabiaśpiečana adnosnaje źnižeńnie spažyvańnia pryrodnaha hazu. Kali nie prymać hetych mier, to zhodna z raźlikami, u 2020 hodzie ŭ respublicy spažyvańnie pryrodnaha hazu mahło b uzraści da 35 młrd.kub.m, adznačyŭ Eduard Taŭpianiec.
Jon taksama prainfarmavaŭ, što ŭ respublicy raspracavana prahrama raźvićcia padziemnych schoviščaŭ hazu (PSH). Jana praduhledžvaje paetapnaje stvareńnie ŭ maksimalna ścisłyja terminy Mazyrskaha PSH mahutnaściu da 1 młrd.kub.m hazu. Heta budzie unikalnaje schovišča, jakoje zmoža addavać da 80 młn.kub.m hazu za sutki. I takim čynam zabiaśpiečyć enierhabiaśpieku Biełarusi na vypadak fors-mažornych abstavin z pastaŭkami hazu abo rezkim pachaładańniem. Akramia taho, płanujecca pašyryć pradukcyjnaść Prybuhskaha PSH da 0,6 młrd.kub.m da 2011 hoda. Viaducca raźviedačnyja raboty dla budaŭnictva padziemnaha schovišča hazu na Miežynskaj placoŭcy.