Mytniki atrymali prava abkładać pošlinaj bahaž asob, jakija jeduć praź miažu čaściej za raz na try miesiacy
Fota gpk.gov.by
Na sajcie Dziaržaŭnaha mytnaha kamiteta Biełarusi apublikavanyja novyja «mietadyčnyja rekamiendacyi pa vyznačeńni pryznačeńnia i koštu tavaraŭ, što pieramiaščajucca fizičnymi asobami».
Jak i raniej, na asob, jakija pryjazdžajuć ŭ Mytny sajuz (MS) praź miažu Biełarusi paśla pierapynku ŭ 3 miesiacy abo daŭžejšaha, raspaŭsiudžvajecca dziejańnie Pahadnieńnia ab paradku pieramiaščeńnia fizičnymi asobami tavaraŭ dla asabistaha karystańnia praz mytnuju miažu mytnaha sajuza. Takija fizičnyja asoby mohuć zavieźci praź biełaruskuju miažu tavary dla asabistaha karystańnia, mytny košt jakich nie pieravyšaje 1500 jeŭra i ahulny vaha nie pieravyšaje 50 kh, uklučajučy ałkaholnyja napoi i piva nie bolš za 3 litry, nie bolš za 200 cyharet abo 50 cyhar (cyharył), abo 250 hramaŭ tytuniu (tytuniovych vyrabaŭ). Zavozić ałkaholnyja napoi, piva, tytuń i tytuniovyja vyraby dazvalajecca tolki fizičnymi asobami, jakija dasiahnuli 18-hadovaha ŭzrostu.
U adpaviednaści ž z novymi «mietadyčnymi rekamiendacyi» dla asob, jakija pierasiakajuć miažu MS čaściej za raz na try miesiacy, na biełaruskaj mytni buduć dziejničać asablivyja praviły.
Z hetaha času mytny inśpiektar budzie vyrašać adnosna takich asob, što možna ličyć tavarami dla asabistaha karystańnia.
Ciapier pry častacie pieramiaščeńnia, naprykład, raz na 7 dzion biaspošlinna možna budzie pryvieźci ŭ Biełaruś nie bolš za 5 kh praduktaŭ, u tym liku nie bolš za 1 litra ałkaholu i nie bolš za try najmieńni tavaraŭ (pa adzincy kožnaha).
Kali ŭjezd u Biełaruś adbyvajecca paŭtorna na praciahu sutak, to ŭsie tavary i pradukty (akramia nieabchodnych na čas ruchu) buduć abkładacca mytnaj pošlinaj.
U «mietadyčnych rekamiendacyjach» pryviedzieny śpis tavaraŭ dla asabistaha karystańnia, jakija praź miažu ŭ Biełaruś možna zavieźci tolki pa adnoj adzincy za hod.
Heta plita hazavaja abo elektryčnaja, televizar, chaładzilnik, unitaz, kampjutar (noŭtbuk), hazonakasiłka i h.d. Abmiežavańni zakranuli taksama ŭvoz šyn i dyskaŭ dla aŭtamabila. Ciapier tolki sam uładalnik (pry najaŭnaści dakumientaŭ na aŭtamabil) adzin raz na hod moža zavieźci adzin kamplekt z 4-ch šyn (letnich abo zimovych, ale adzin) i adzin kamplekt z 4-ch dyskaŭ.
Varta viedać, što kamiercyjnaj partyjaj, pavodle «mietadyčnych rekamiendacyj» moža być pryznanaje pierasoŭvańnie roznymi fizičnymi asobami troch i bolš adzinak identyčnych tavaraŭ, sa zhadanaha vyšej pieraliku, u adnym transpartnym srodku (za vyklučeńniem aŭtobusaŭ bolš za 12 miescaŭ i čyhunačnych vahonaŭ).
Adzin z pradprymalnikaŭ, jaki dobra znajomy ź situacyjaj na miažy, raspavioŭ charter97.org, što novyja praviły stvorać dadatkovyja ciažkaści dla pierasiačeńnia biełaruskaj miažy, ale naŭrad ci zmohuć paŭpłyvać na šery impart ź ES: «Budziem jeździć praz Rasiju. Tam takich žorstkich abmiežavańniaŭ niama».