U Łahojskim rajonie źnikła siamihadovaja dziaŭčynka
Pa fakcie źniknieńnia raspačata kryminalnaja sprava. U pošuku dziaŭčynki ŭdzielničajuć bolš za 150 sałdat i supracoŭniki milicyi, jakija pračesvajuć miascovaść.
Jak paviedamili BiełaPAN u pres‑słužbie MUS, sprava raspačata na padstavie zajavy maci dziaŭčynki, jakaja ŭ piatnicu, 23 listapada, paviedamiła, što jaje dačka nie viarnułasia sa škoły. Milicyja razhladaje niekalki viersij zdareńnia.
Pavodle słoŭ dziažurnaha UUS Łahojskaha rajona, pošuki dziaŭčynki viaducca z 23 listapada. U vyšuku ŭdzielničajuć bolš za 150 sałdat i supracoŭniki milicyi, jakija pračesvajuć miascovaść. U apieracyi taksama zadziejničany vadałazy, jakija abśledujuć miascovaje voziera, i viertalot.