Raźbiłasia viasielle, jakoje jechała ź Pieciarburha ŭ Minsk: troje zahinuli FOTA
Siońnia kala 06:15 na 450-m kiłamietry aŭtadarohi Sankt-Pieciarburh — Nieviel kiroŭca «Forda Tranzit» nie daŭ rady kiravańniu, u vyniku čaho mikraaŭtobus źjechaŭ u kiuviet i ŭrezaŭsia ŭ dreva, paviedamlaje pres-słužba pskoŭskaj milicyi.
Z 15 čałaviek, što znachodzilisia ŭ mašynie, troje (mužčyna i dźvie žančyny 1988 h.n.) zahinuli na miescy zdareńnia, siem čałaviek špitalizavanyja z traŭmami roznaj stupieni ciažkaści.
Zakazny aŭtobus vioz kampaniju maładych ludziej z Sankt-Pieciarburha ŭ Minsk.
U vioscy Ałol Pustaškinskaha rajona Pskoŭskaj vobłaści kiroŭca, pavodle papiaredniaj infarmacyi, zasnuŭ za rulom.
Na miescy DTZ pracuje śledča-apieratyŭnaja hrupa UMUS Rasii pa Pskoŭskaj vobłaści i supracoŭniki HIBDR.
Jak stała viadoma Pskoŭskaj stužcy navin ad znajomych paciarpiełych u DTZ, maładyja ludzi jechali z Sankt-Pieciarburha ŭ Minsk na viasielle.
U mikraaŭtobusie znachodzilisia akramia haściej i sami maładyja. U vyniku DTZ zahinuŭ žanich, niaviesta znachodzicca ŭ ciažkim stanie ŭ špitali.