Ihar Varaškievič pačaŭ vieści błoh
Viadomy biełaruski muzyka, lider hurtu «Krama» Ihar Varaškievič hetymi dniami zavioŭ sabie błoh na bazie serveru livejournal.
Viadomy biełaruski muzyka, lider hurtu «Krama» Ihar Varaškievič hetymi dniami zavioŭ sabie błoh na bazie serveru livejournal.
Ciaham učorašniaha dnia Ihar Varaškievič zrabiŭ u ŽŽ čatyry dopisy. Pieršy ź ich, jaki pryśviačaŭsia sustrečy rok‑muzykaŭ ź ideolaham Aleham Pralaskoŭskim, pryciahnuŭ najbolšuju cikavaść i uvahu čytačoŭ. Varaškievič piša : «A kali b my prynieśli z saboju kanistru benzinu i padpalili siabie u kabinecie Pralaskoŭskaha — heta b było dobra?
Heta b byŭ akt samaachviaravańnia?.. Napeŭna, treba było tak i zrabić. Kab nas nie palivali brudam ludzi jakija «bjucca» za svabodu, siedziačy u svaich ofisach i atrymlivajučy za heta hrošy. Ludzi, jakija nie mohuć vyvieści na vulicu 100 000 čałaviek złujucca i chočuć z nas zaraz zrabić krajnich. Brydka heta ŭsie».
Taksama ŭ hetym ža dopisie źmieščana karykatura na dobrapaznavalnych muzyčnych persanažaŭ, jakija hojdajucca na šybienicy. Na karcinie podpis: «Śmierć pradacielam!!! Živiet Biełaruś». Post sabraŭ bolš za 100 kamentaraŭ.
Varaškievič abiacaje: «Budu vučycca drukavać na kamputary. I dasyłać vam svaje novyja malunki».
Ihar Varaškievič nie adziny muzyka, jaki viadzie błoh. Žyvyja žurnały ŭžo viaduć Lavon Volski (lvolski), Źmicier Vajciuškievič (todar_vojt), Rusia (_ghost_pulse_), Viačasłaŭ Korań (strider_first), Alaksandar Pamidoraŭ (tomat) i niekatoryja inšyja muzyki.