Ivonka Surviłła pavinšavała biełarusaŭ z uhodkami Słuckaha paŭstańnia
Zaklikaju ŭsich Vas naležna adznačyć naš słaŭny Dzień Hierojaŭ i z udziačnaściu prypomnić tych, chto pajšoŭ pamirać, kab žyła Baćkaŭščyna.
Darahija Surodzičy,
11‑ha listapada tryccać tysiač Kanadyjcaŭ sabralisia ŭ stalicy Kanady kruhom pomnika maładym zmaharom, jakija «PAJŠLI PAMIRAĆ ZA NAŠUJU VOLU». Hetyja słovy byli na vusnach usich prysutnych. Šmat ludziej płakali. Uvieś kraj z udziačnaściu hladzieŭ jak najvyšejšyja asabistaści Kanady i pradstaŭniki krainaŭ usiaho śvietu kłali vianki na mahile nieviadomaha žaŭniera Kanady.
U listapadzie 1920 h u Biełarusi našyja słaŭnyja Słuččaki taksama pajšli pamirać — «PAJŠLI PAMIRAĆ, KAB ŽYŁA BAĆKAŬŠČYNA». Z hetymi słovami, vyšytymi na štandary, dziesiać tysiač zmaharoŭ, vojska źniamožanaj užo balšavikami Biełaruskaj Narodnaj Respubliki, uziali ŭ ruki zbroju, kab baranić svoj narod ad novaje niavoli.
Respublika Biełaruś adnak nia budzie adznačać hetaha hieraičnaha zbrojnaha čynu. Tolki adnadumcy Słuččakoŭ addaduć im čeść, jak hety my robim uva ŭsim śviecie kožny hod.
Darahija Siabry, vitaju ŭsich Vas z słaŭnym čynam našych Słuckich hierojaŭ. Hanarusia imi. Hanarusia svaim narodam, jaki, abviaściŭšy niezaležnaść Biełarusi paśla doŭhaje niavoli, znajšoŭ u sabie siłu i mužnaść, kab baranić svaju maładuju dziaržavu.
Zaklikaju ŭsich Vas naležna adznačyć naš słaŭny Dzień Hierojaŭ i z udziačnaściu prypomnić tych, chto pajšoŭ pamirać, kab žyła Baćkaŭščyna.
Žyvie Biełaruś!