Navalnicy i tempieraturnyja kantrasty čakajucca na hetym tydni
Navalničnyja daždžy i tempieraturnyja kantrasty čakajucca na terytoryi Biełarusi na hetym tydni, paviedamiła hałoŭny sinoptyk Respublikanskaha hidramieteacentra Ludmiła Paraščuk.
U bližejšyja sutki ŭmovy nadvorja na terytoryi krainy pačnie farmiravać atmaśfierny front z susiedniaj Polščy. Nočču pa zachadzie, ranicaj i dniom na bolšaj častcy Biełarusi projduć navalničnyja daždžy, miescami nie vyklučany mocnyja zalevy. Dniom u asobnych rajonach mahčymy hrad. Pry navalnicach miescami prahnazujecca škvalistaje ŭzmacnieńnie vietru z paryvami da 15-20 mietraŭ u siekundu. Tempieratura pavietra nočču składzie plus 14-20 hradusaŭ, u dzionny čas čakajecca ad plus 21 pa zachadzie da 32 hradusaŭ ciapła pa ŭschodzie krainy.
«Atmaśfierny cisk 13 žniŭnia pavysicca, karotkačasovyja daždžy z navalnicami projduć tolki miescami», - dadała Ludmiła Paraščuk.
Tempieratura pavietra ŭ načny čas składzie 12-19 hradusaŭ vyšej za nul, dniom - ad 22 da 28 hradusaŭ sa znakam plus.
«Aktyŭny atmaśfierny front paŭdniova-zachodnich rehijonaŭ Jeŭropy pryniasie ŭ čaćvier u Biełaruś daždžy i vialikija tempieraturnyja kantrasty», - skazała hałoŭny sinoptyk.
Navalničnyja daždžy roznaj intensiŭnaści projduć na značnaj častcy terytoryi respubliki, miescami prahnazujucca mocnyja daždžy i navalnicy. U dzionny čas miescami mahčymy hrad. Čakajecca ŭzmacnieńnie vietru z paryvami da 15-20 mietraŭ u siekundu. Tempieratura pavietra nočču składzie plus 14-20 hradusaŭ, dniom budzie ad 22 da 29 hradusaŭ ciapła (u čas daždžoŭ - kala plus 20 hradusaŭ). Usio jašče haračym budzie nadvorje ŭ paŭdniova-ŭschodnich rajonach, dzie prahnazujecca ad 30 da 34 hradusaŭ sa znakam plus.
U piatnicu frantalny raździeł pakinie terytoryju Biełarusi.
Karotkačasovyja daždžy čakajucca tolki ŭ asobnych rajonach. Tempieratura pavietra nočču składzie plus 10-17 hradusaŭ, dniom - ad 20 da 27 hradusaŭ ciapła, pa paŭdniovym uschodzie nočču prahnazujecca plus 18-20 hradusaŭ, dniom - ad 28 da 30 sa znakam plus. U nizkich miescach i pablizu vadajomaŭ mohuć zhuščacca niepraciahłyja tumany.
«Na budučych vychadnych zachodnija viatry pryniasuć na terytoryju Biełarusi bolš śviežyja pavietranyja masy z poŭdnia Bałtyjskaha mora», - skazała Ludmiła Paraščuk.
Paŭsiudna ŭstalujecca typovaje žnivieńskaje nadvorje. Tempieratura pavietra nočču składzie plus 9-16 hradusaŭ, dniom čakajecca ad 20 da 27 hradusaŭ ciapła. Miescami buduć iści karotkačasovyja daždžy, hrymieć navalnicy. Nočču i ranicaj u asobnych rajonach mahčymy tuman.-