Rabotnikaŭ Homielskaha adździaleńnia BČ vinavaciać ŭ atrymańni niezakonnaha dadatkovaha zarobku
Homielskaja transpartnaja prakuratura pravieryła vykanańnie rabotnikami RUP «Homielskaje adździaleńnie Biełaruskaj čyhunki» abmiežavańniaŭ, ustanoŭlenych zakonam «Ab baraćbie z karupcyjaj».
Jak paviedamlaje Hienieralnaja prakuratura, u chodzie pravierki vyjaŭleny parušeńni patrabavańniaŭ art. 17 zakona, a mienavita zabarony vykonvać inšuju apłačvanuju pracu, nie źviazanuju z vykanańniem słužbovych (pracoŭnych) abaviazkaŭ pa miescy asnoŭnaj słužby (pracy), akramia vykładčyckaj, navukovaj, kulturnaj, tvorčaj dziejnaści i miedycynskaj praktyki.
Rabotniki RUP «Homielskaje adździaleńnie Biełaruskaj čyhunki», źjaŭlajučysia słužbovymi asobami dziaržaŭnaha pradpryjemstva, na jakich raspaŭsiudžvajucca patrabavańni nazvanaha zakona, zaklučyli hramadzianska-pravavyja dahavory z ZAST «TASK», na padstavie jakich ažyćciaŭlali strachavuju dziejnaść i atrymlivali hrašovuju ŭznaharodu akramia praduhledžanaj zakanadaŭstvam apłaty pracy pa asnoŭnym miescy pracy.
Načalnik aŭtakałony transpartnaj bazy Homielskaha adździaleńnia Biełaruskaj čyhunki pry pryznačeńni na pasadu padpisaŭ abaviazacielstva ab vykanańni antykarupcyjnych abmiežavańniaŭ. Adnak, zajmajučy hetuju pasadu, ažyćciaŭlaŭ dziejnaść pa strachavańni transpartnych srodkaŭ, u vyniku jakoj atrymaŭ dachod u 8 młn rubloŭ.
Načalnik štaba hramadzianskaj abarony stancyi Žłobin, padpisaŭšy pry pryznačeńni na pasadu piśmovaje abaviazacielstva ab vykanańni antykarupcyjnych abmiežavańniaŭ, taksama ažyćciaŭlaŭ dziejnaść pa strachavańni majomaści jurydyčnych asob, u vyniku čaho atrymaŭ dachod u sumie kala 3 młn rubloŭ.
Namieśnik načalnika hruzavoha adździeła RUP «Homielskaje adździaleńnie Biełaruskaj čyhunki» z 2000 hoda zajmałasia strachavańniem hramadzianskaj adkaznaści pieravozčykaŭ pierad trecimi asobami i ŭ vyniku svajoj dziejnaści atrymała dachod u sumie bolš čym 170 młn. rubloŭ. Pry pryznačeńni na pasadu kadravaj słužbaj Homielskaha adździaleńnia Biełaruskaj čyhunki piśmovaje abaviazacielstva ab vykanańni antykarupcyjnych abmiežavańniaŭ u jaje nie brałasia. Abaviazacielstva padpisana tolki ŭ studzieni 2014 hoda.
Pa fakcie parušeńniaŭ zakanadaŭstva, nakiravanaha na baraćbu z karupcyjaj, Homielskaj transpartnaj prakuraturaj načalniku Homielskaha adździaleńnia Biełaruskaj čyhunki ŭniesiena pradstaŭleńnie, pa vynikach razhladu jakoha vinavatyja asoby pryciahnuty da dyscyplinarnaj adkaznaści.