Navukoŭcy znajšli orhan, jaki adkazvaje za strach pierad niepryjemnaściami
Navukoŭcy vyznačyli malusieńki i evalucyjna vielmi staražytny ŭčastak mozhu, jaki apieratyŭna papiaredžvaje čałavieka pra niebiaśpiečnyja i niepryjemnyja adčuvańni.
Pra svajo adkryćcio brytanskija niejrafizijałohii raspaviali na staronkach časopisa Proceedings of the National Academy of Sciences.
Na dumku navukoŭcaŭ, mienavita dziakujučy łancužku epitałamusa (nadbuhornaj vobłaści pramiežkavaha mozhu) ludzi vučacca na niehatyŭnym vopycie.
23 udzielnikam ekśpierymientu ŭ vypadkovym paradku pakazvali siem abstraktnych malunkaŭ, za jakimi išli try realnych padziei — albo vyjhryš, albo strata adnaho funta sterlinhaŭ, albo balučy elektryčny šok. Potym udzielniki znoŭ hladzieli karcinki, try ź jakich pakazvali na adnu z «uznaharod».
Adnačasova navukoŭcy sačyli za reakcyjaj mozhu z dapamohaj funkcyjanalnaha mahnitna-rezanansnaha tamohrafa (fMRT).
Łancužok epitałamusa (pamieram jon mienš za harošynu) aktyvizavaŭsia tolki pry strachu pierad udaram toku i naohuł nie reahavaŭ na hrašovyja prybytki i straty.
Udzielnikaŭ ekśpierymientu taksama prasili rehularna naciskać na knopku dla pravierki ich uvahi: na realnyja nastupstvy heta dziejańnie nijak nie ŭpłyvała. Adnak pry źjaŭleńni na ekranie «elektrašokavaj» karcinki ludzi bolš nieachvotna naciskali na knopku (pry tym, što łancužok epitałamusa pracavaŭ vielmi aktyŭna). Zvyšaktyŭny łancužok epitałamusa pryhniataje vypracoŭku dafamina i pieratvaraje ludziej u piesimistaŭ, jakija ŭsiaho aścierahajucca, śćviardžajuć navukoŭcy.