Pucin kiruje va Ukrainu «humanitarny kanvoj». Parašenka razmaŭlaje z Abamam
Prezident Rasii Uładzimir Pucin zajaviŭ, što nakiroŭvaje va Ukrainu «humanitarny kanvoj». Pra heta jon zajaviŭ u telefonnaj razmovie sa staršynioj Jeŭrakamisii Žaze Manuelem Barozu, paviedamlaje pres-słužba Kramla.
Pucin akcentavaŭ uvahu «na katastrafičnyja nastupstvy vajennaj apieracyi, pravodzić kijeŭskaja ŭłada ŭ paŭdniova-ŭschodnich rehijonach, i nieabchodnaści terminovaj dastaŭki ŭ zonu kanfliktu humanitarnaj dapamohi».
«Adznačana, što rasijski bok va ŭzajemadziejańni z pradstaŭnikami Mižnarodnaha Kamiteta Čyrvonaha Kryža nakiroŭvaje ŭ Ukrainu humanitarny kanvoj», — havorycca ŭ zajavie.
Raniej Čyrvony Kryž adchryściŭsia ad takoj misii. A Ukraina vykazała mierkavańnie, Rasija sprabuje ŭvarvacca ŭ Ukrainu pad prykryćciom humanitarnaj misii.
ZŠA i ES zajavili, što humanitarnuju dapamohu Ukrainie pavinny nadavać mižnarodnyja arhanizacyi, a nie Rasieja.
U svaju čarhu MZS Ukrainy zaklikaŭ Rasieju ŭstrymacca ad lubych sprob pieradačy humanitarnych hruzaŭ u Ukrainu biez zachavańnia nieabchodnych umoŭ.
Jak stała viadoma, u hetyja chviliny adbyvajecca razmova prezidentaŭ Ukrainy i ZŠA, Piatra Parašenki i Baraka Abamy. Pra heta paviedamiŭ pres-sakratar prezidenta Ukrainy Śviatasłaŭ Cehołka ŭ svaim tvitary.