DMK: Pastaŭka pradukcyi z-za miažy na rynak Biełarusi ažyćciaŭlajecca bieź źmienaŭ
Pastaŭka z-za miažy na ŭnutrany rynak Biełarusi miasnoj, rybnaj, małočnaj i płodaaharodninnaj pradukcyi ažyćciaŭlajecca bieź źmienaŭ, paviedamili u pres-słužbie Dziaržaŭnaha mytnaha kamiteta.
«U metach realizacyi daručeńnia kiraŭnika dziaržavy ab zabieśpiačeńni na miažy poŭnaj prazrystaści ŭ duchu partniorskich adnosinaŭ, Dziaržaŭnym mytnym kamitetam sumiesna ź Fiederalnaj mytnaj słužbaj Rasijskaj Fiederacyi vypracavanyja padychody, što prymianiajucca pry mytnym administravańni tavaraŭ, zabaronienych da ŭvozu ŭ Rasijskuju Fiederacyju, pry ich pieramiaščeńni cieraź biełaruski ŭčastak miažy Mytnaha sajuza», — zaznačyli ŭ DMK.
U mytnym viedamstvie padkreślili, što dasiahnutyja damoŭlenaści adpaviadajuć mižnarodnym abaviazacielstvam Respubliki Biełaruś i nie stvarajuć pieraškodaŭ dla zakonnaha pieramiaščeńnia tavaraŭ cieraź miažu Biełarusi ź Jeŭrapiejskaha sajuza i Ukrainy.
«Z 7 žniŭnia 2014 hoda nivodnaja mašyna z zabaronienymi da ŭvozu ŭ Rasijskuju Fiederacyju tavarami nie viernutaja na sumiežny bok biez najaŭnaści pravavych padstaŭ, praduhledžanych zakanadaŭstvam Mytnaha sajuza ci Respubliki Biełaruś», — padkreślivajecca ŭ paviedamleńni DMK.
Pry administravańni tranzitnych patokaŭ u Rasiju cieraz terytoryju Biełarusi biełaruskija mytnyja orhany ŭ miežach pahadnieńniaŭ ab supracoŭnictvie ŭ mytnych spravach razhladajuć asobnyja zapyty rasijskich mytnych orhanaŭ, u tym liku ŭ dačynieńni da tavaraŭ, zabaronienych da ŭvozu ŭ RF.
Z ulikam inicyjatyŭ Fiederalnaj mytnaj słužby Rasii prymajucca rašeńni ab formach mytnaha kantrolu, mahčymaściach dalejšaha ruchu tavaraŭ u Rasiju, u tym liku pad mytnym supravadžeńniem, paviedamlaje DMK.